My new blog post جا زندگی! مدینے سے جھونکے ہوا کے لا شاید حضور ہم سے خفا ہیں

جا زندگی! مدینے سے جھونکے ہوا کے لا
شاید حضور ہم سے خفا ہیںwww.rizvimedia135.blogspot.com، منا کے لا
کچھ ہم بھی اپنا چہرۂ باطن سنوار لیں
بوبکر سے کچھ آئینے عشق و وفا کے لا
دنیا بہت ہی تنگ مسلماں پہ ہوگئی
فاروق کے زمانے کا نقشہ اٹھا کے لا
محروم کردیا ہمیں جن سے نگاہ نے
عثمان سے وہ زاویے شرم و حیا کے لا
مغرب میں مارا مارا نہ پھر اے گدائے علم!
دروازۂ علی سے یہ خیرات جا کے لا
باطل سے دب رہی ہے پھر امت رسول کی
منظر ذرا حسین سے کچھ کربلا کے لا
درکار ہے دعا میں اگر عاجزی
تو زین العابدین سے فقرے دعا کے لا
کرنا ہے اپنے آپ کو آراستہ اگر
کردار اپنے سامنے سب اولیا کے لا
یہ جنگ کفر و حق ہے اگر تجھ کو جیتنی
ہر نوجواں کو قاسم و طارق بنا کے لا
ہاں سجدوں میں گڑ گڑا کے محمد کے پاؤں پڑ
جا اور جلد رحمتِ حق کو بلا کے لا
کس منہ سے پیش ہوگا مظفرؔ حضورِ حق؟
اس کو شہیدِ اسوۂ آقا بنا کے لا۔
ﷺ۔